|
||||||||||||||||||||||||||||||||||||
LIBURUAK
|
BALIABIDEAK [gazt]
|
|||
| 2010-4-16/17 |
| 13. Ankulegi Antropologia Jardunaldia |
"Emozioen antropologia" |
Donostian |
aurkezpena | komunikapenak | argitalpena
Ankulegi elkarteak bere 13. urteko jardunaldia 2010-4-16 eta 17etan, ostiral-larunbatean, ospatuko du Donostian, Euskal Herriko Unibertsitateko (EHU) Filosofia eta Hezkuntza Zientzien Fakultatean. Jardunaldiaren lelao "Emozioen antropologia" izango da.
Jardunaldiaren helburua, ikuspegi teoriko-metodologiko honek dituen aukerak eta uztarketak eztabaidatzea izango da eta, aldi berean, arlo anitzetan (maitasuna, heriotza, indarkeria) burutzen ari diren ikerlanak aurkeztea.
Hemen daukazu pdf-ko egitaraua (500 kb) eta pdf-ko kartela (1'3 Mb). Zabalkuntzan lagun iezaguzu, mesedez.
Komunikapenak [ epe amaiturik ]
Ankulegi Elkarteak, ikuspegi antropologikotik, emozioen azterketaren inguruko ikuspegi berria eskaintzen duten komunikazioak bidaltzera gonbidatu nahi zaituzte. Euskaraz, gaztelaniaz edo frantsesez idatzitako proposamenak 2010eko martxoaren 1a baino arinago igorri beharko dira, helbide elektroniko honetara: <idazkaritza[a bildua]ankulegi.org>. Proposamenean agertu behar dira: egile edo egileen izena(k), helbide elektronikoa, telefonoa, lanaren izenburua eta gehienez 200 hitzeko laburpen bat.
Onartuta dauden komunikazioen zerrenda martxoaren 15ean argitaratuko da.
Egileek aurkeztutako komunikazioak argitaratzeko aukera izango dute, artikulu zientifiko eratan, Ankulegi. Gizarte antropologia aldizkaria - Revista de antropología social - Revue d'ethnologie 14. zenbakian (2010), beti ere formaren eta kalitatearen baldintzak beteta (ikus ezazu gure arauak [gazt.]). Aurkezteko, jardunaldiko parte-hartzaile orok aldizkariaren helbidera (<aldizkaria at ankulegi .org>), bidali behar du artikulua 2010-4-16an baino lehenago.
Ankulegi Elkartea, 2010